Jinavmebarkiriyên Di Nava Me Da

Mîrhem Yîgît

“Min kitêbek xwend jiyana min guhert”. Rêzên ewil in ev ji romanekê, dibe ku ya Orhan Pamûk be, di aliyeke hişê min de maye. Xwendin, şopên xwe çêdike. Payîza 1968an, kovara ”Çiya” berê min da nav siyaset û rojnamegeriyê, em kirin hogirên hev, teyrên çendbirak, cêwiyên heman makê. Ew roj û ev roj, hevalrêtî û bihevrebûna me didome, hevhimbêzkirina me sist nebûye. Û ew ristên ji helbesta Şîro heta îro jî di guhên min de dizingin: ”Şam û London, Bern û Tokyo pirr xweş in lê ji Şîro re Heqarî xweştir e.”