Pêxemberê Jibîrçûyî MANÎ

Kamran Simo Hedili

Di serdema xwe de ola Aştiya Rastî, ya ku Manî jê re pêşengî kirî, li rojhilat dibe reqîbê ola Zerdeştî ya ku di wê serdemê de ola fermî ya Împaratoriya Sasaniyê bû. Lewma dijminahiya oldarên Zerdeştî li hemberî wî tund in û di dawî de wî didin kuştin. Ew qasî ji ramanên wî ditirsin, piştî ku didin kuştin, laşê wî post dikin. Li rojava jî ola wî dibe reqîbê dêra xiristiyaniyên katolîk. Neyartiya dêrê dike ku împaratorê Romê Dioeletianus fermanê bide da hemû berhemên wî werin şewitandin. Fermanên tunekirina berhemên wî bi sedan sal berdewam dikin. Li gelek cihan, bi berhemên wî re bawermendên wî jî têne tunekirin. Ji ber êrîşan, li her derê cihanê oldarên wî neçar dimînin ku di nav ol û rêolên cuda de xwe veşêrin. Li aliyê din jî gelek derdoran xwestine ku Manî ji rastiya nîjada wî dûr bigirin. Nexwestine wî bi gelê wî bidin nîşandan. Lê êla bavê wî û ya dayika wî bi navên wê serdemê heta îro jî di nav kurdan de dijîn