Gerineka Hestan

Mervan Serhildan

Min rahişt çend dilop hubir Di nirxên civaka qedîm dakir Rûkir curmê dîrokê Kuta bi mîrkutê eşqê Xist kîsê razên jiyanê Û li ser pişta xwe barkir… Temen gihîşt şêst salî Bi tevneke serbest û amatorî Çîrokên pêjnên kurdewar bi şax û gulî nijinî Min rahişt lodê û li ser dika heqîqetê danî… Hêstrên ku ji kaniya dil dawerivîn berhevkir Wek çavdêrekî di bêjinga siyasetê werda Li ser pişta bager û bablîsokan siwar kir Û bi ber felsefeya jiyanê ve, bi rê kir Şop û xêzên dîrokê dan hev Tevli dilopên hubrê kir Wekî hevîr stra û pê, dîmen bi dîmen Riste bi riste, beyt bi beyt, çarîn bi çarîn Peykerê heval û hogiran çêkir