Kilam ü Penüs; Kurden Kafkasyaya Başür

 Wezire Eşo

Ev berhem ji nivîsên Wezîrê Eşo ên di çend jimarên kovarên cuda û ji çend nivîsên ku di arşîva wî de bûn hatiye berhevkirin. Gelekî nivîsan li ser jîyan û berhemên nivîskar û lêkolînerên navdar ên Kurdên li Yekîtîya Sovyetan a Berê dijîyan in. Lê çend nivîs jî li ser hin kes û bûyerên din û bi taybetî li ser wêje û jîyana kurdan a li Yekîtîya Sovyetan a Berê ne. Bi van nivîsan em ê bêtir bi jîyana wêjeyî û sîyasî a nivîskarên li Yekîtîya Sovyetan a Berê bihesin. Ji alîyekî din ve jî ev berhem wekî antolojîyekê ye. Wezîrê Eşo gava bahsa nivîskaran dike, jîyana wan û berhemên wan ji serî heta dawîyê rêz dike. Çend kesên ku bahsa wan hatiye kirin: Mistefa Barzanî, Erebê Şemo, Hecîyê Cindî, Casimê Celîl, Qanatê Kurdo, Xelîlê Çaçan, Fêrîkê Ûsiv, Emerîkê Serdar, Ordixane Celîl, Eskerê Boyîk, Çerkezê Reş, Ezîzê Cewo, Şekroyê Mihoyî, Simoyê Şemo, Egîtê Cimo, Aslîka Qadir, Pîr Dîma.