Bazırganê Venedîkê

William Shakespeare, Kawa Nemir Avesta Yayınları

Bê şik gelek qereqterên Shakespeare nemir in, çi ku ji her layî ve awêneyên mirovayiyê ne. Lê di nava hemûyan de Shylockê cihû yê Bazirganê Venedîkê yek ji pêşîkêşên wan qereqteran e, yê ku dibêje: “... Ma qey cihûyekî çav nînin? ma qey cihûyekî dest, endamên laşî, bejn û bal û dirûvê mirovî, sehek, hest, coş û peroş nînin? ma qey cihûyek jî bi heman xwarinê xwedî nabe, bi heman çek û sîlehan birîndar nabe, bi heman nexweşiyan nakeve, bi heman dû-dermanan pak nabe, heman zivistan û havîn wî naefsirîne û germ nake, her weku Xiristiyanekî? Heke hûn me bisimitînin, qey xwîn ji me nakişe? heke hûn xurîtîka me bînin, qey em bi tîrqetîrqê nakevin? heke hûn me jehrdadayî bikin, qey em namirin? û heke hûn xeletiyê li me bikin, qey em ê tola xwe hilneynin?”