vilika koye muziri zelegul

mordem zel

Mordem Zel, di 28’ê Sibata 1975’an de li gundê Husênika li ser navçeya Licê ya Amedê hatiye dinyayê. Zel, dibistana seretayî li gundê Husênikê xwendiye. Ji ber bûyerên dawiya salên 1980’î û destpêka salên 1990’î derfetê wî yê xwendinê zêdetir çênebûye. Piştî salên 90’î bi malbatî koçî bajarê Amedê dike. Demeke dirêj li Stenbolê di nav karê mûzikê de dixebite. Di sala 2007’an de vedigere Amedê û bi kar û barên ziman û wêjeyî re eleqedar dibe. Zel, ji sala 2011’an û vir ve li ser çand û hunera kurdî lêkolînan dike. Hetanî niha bi dehan çîrok, serpêhatî û stranên gelêrî yên di arşîvan de cih negirtine berhev kiriye. Bi dehan gotar û nivîsên wî yên li ser dîrok, erdnîgarî, çand û hunera Kurdî di malpera AmîdaKurd û Nûpelê de hatine weşandin. Zel, li ser erdnîgariya Kurdistanê lêkolîna navê bi hezaran cih û warên ku navê wan hatine guhertin kiriye. 12 parêzgeh, 25 bajar, 220 navçeyên bakurê Kurdistanê bi awayeke nexşeyî xêz kiriye û vê xebata hêjayî teqdîrê, bi bernameya bi navê “GUNDÊ ME” li ser ekranên Stêrk Tv’ê pêşkêşî temaşevanan kiriye. Di heman demê de, bi salane di Stêrk TV’ê de pêşkêşvaniya bernameya xwezayî ya bi navê JÎNGEH’ê dike.